Արգամ Ուստյան. "Ոչինչ ոչ մեկի համար հեշտ չի տրվում" - 28 Հոկտեմբերի 2012

01:33 Արգամ Ուստյան. "Ոչինչ ոչ մեկի համար հեշտ չի տրվում"
-Բարև Արգամ ջան, Ես գիտեմ , որ դու հայտնի բլոգեր ես, ինչպե ՞ս ստեղծեցիր քո բոլգը և ինչ պատճառով: -Ողջույն:) Նախ շնորհակալ եմ կարծիքի ու գնահատանքի համար: Թերևս ամենաշատ տրվող հարցն է, որ տալիս են ինձ հարցազրույցների ժամանակ:Բլոգը բացեցի ավելի քան մեկ տարի առաջ մարտ ամսին:Այն բացվեց բարեգորձական նպատակներով, որը ծառայեց իր նպատակին:Դա դարձավ պատճառ, որպեսզի ավելի լուրջ վերաբերեմ բլոգինգին:Բլոգը իր բնույթով բազմաժանր է, գրում եմ այն մասին, ինչը ինձ առհասարակ հետաքրքրում է: -Այսօր բլոգը ունի մեծ հաջողություններ, կպատմես հե՞շտ էր հասնել դրան -Ոչինչ ոչ մեկի համար հեշտ չի տրվում: Իմ հաջողությունների գլխավոր գրավականը մեկն է՝ իմ աշատասիրությունը: Ես անդադար աշխատում եմ, անդադար մտածում եմ ինչ նոր նախագծեր կարելի է մշակել ԱրգամԲլոգի շրջանակներում և այլն: Իսկ կատարված աշխատանքը վաղ թե ուշ միշտ էլ գնահատվում է: Ամեն դեպքում ես միշտ աշխատում եմ առանց որևէ մեկից որևէ բան ակնկալելու...Իսկ, երբ նայում եմ այս փոքրիկ ժամանակահատվածում անցած ճանապարհին, այն իսկապես շատ խորդուբորդ է ու անանցանելի, և համոզված եմ, որ առաջիկա ճանապարհն էլ ավելի դժվար է լինելու: Սակայն ես պատրաստ եմ նաև այդ ուղին հաղթահարելու: -Սկանդալների հանդիպե՞լ ես քո բլոգերի գործունեության մեջ -Ի սկզբանե բլոգը սկանդալային բնույթի էր: Այսինքն մի շարք լրատվականներ ու հեռուստաընկերություններ սկսեցին քննարկել սկսնակ բլոգերի գործունեությունը և նրա շոշափած թեմաները: Պետք է խոստովանեմ, որ ժամանակին սկանդալային թեմաներ շոշափելը որոշ չափով օգնեց ինձ: Սկանդալային նյութեր այժմ նույնպես տեղադրում եմ, սակայն դրանց վրա կենտրոնացված չեմ ինչպես առաջ: Մի քանի խոշորագույն սկանդալների կիզակետում մի քանի անգամ հայտնվել եմ, և վստահորեն կարող եմ ասել, որ իմ փոխարեն շատերը արդեն դադարած կլինեին բլոգեր կոչվելուց, քանի որ ուղակի կփակեին իրենց բլոգը: Սակայն ինչպես երևում է Արգամբլոգը դեռ շարունակում է գործել ու աշխատել:) - Ես գիտեմ , որ դու գործնականում շփվել ես շատ հայտնի մարդկանց հետ, ո՞ր հայտնի մարդուց ես լավ տպավորություն ստացել: -Այո աշխատանքի բնույթով շոուբիզնեսյան ներկայացուցիչների հետ շատ եմ շփվում: Մարդկային լավ հատկանիշներով շատերն են օժտված. Արմինկա, Լիլիթ Հովհաննիսյան, Նանա, Վահրամ Պետրոսյան, Միհրան Ծառուկյան, Դինա Ակոպովնա, Սյուզի Մելիքյան, Ջուս, Գուրգեն Դաբաղյան... Այս պահին չեմ կարող բոլորին թվարկել -Վերջերս բլոգում նաև բացվել է ռադիո, ռադիոն ուղղակի ժամանցի թե՞ ինչ որ այլ բանի համար է -Ռադիոն հերթական նախագիծն էր իմ կողմից մտածված: Այժմ ԱրգամԲլոգՖմ-ի ունկնդիրները եթերից կարող են լսել իրենց ցանկացած կատարումները: Հետագայում ռադիոն դեռ շատ ոլորտներում կարելի է օգտագործել: Կարևորը ունկնդիրը հասցրել է այն սիրել -Ի՞նչ պլաններ կան ապագայում բլոգի հետ կապված -Պլանները շատ են, այժմ պատրաստվում եմ բլոգի 2-ամյակին, որը հաստատ կտարբերվի իր բնույթով... Իսկ մնացած նախագծերի ու պլանների մասին կխոսեմ միայն դրանք ի կատար ածելուց հետո -Շատ շնորհակալություն Արգամ ջան հարցազրույցի համար, և վերջում կցանկանայի լսել քո կարծիքը , քեզ դուր գալի՞ս է իմ նորաբաց կայքը -Շնորհակալ եմ ինձ անդրադառնալու համար: Գիտեք ոչինչ միանգամից չի տրվում կարևորը ցանկությունն է, և ամեն ինչ ձեզնից է կախված թե ինչպիսի ապագա է սպասվում ձեր կայքին: Սկզբի համար շատ լավ է, հետաքրքիր ձեռագիր ունեք:) -Շատ շնորհակալություն հետաքրքիր հարցազրույցի համար :) -Շնորհակալություն հետաքրքիր հարցերի համար
1 2 3 4 5 Հարցազրույց \| Դիտումներ: 932 \| - Վարկանիշ -: 5.0/1

Մեկնաբանություններ ավելացնել կարող են միայն գրանցված անդամները
[ Գրանցում | Մուտք ]